Се преселивме!

февруари 15th, 2013 by mozilla with No Comments »

Продолжуваме со објавување на содржини на http://mozilla.mk/.

Firefox 18 – брзина, Retina и WebRTC

јануари 8th, 2013 by mozilla with No Comments »

Mozilla денес објави уште една нова верзија од Firefox. Овој пат, новитетите се во насока на подобрувањето на брзина на работа, поддршката за Ретина-екрани и поддршката за стандардот WebRTC.

Новиот компајлер за JavaScript – наречен IonMonkey – овозможува Firefox 18 да работи 25% побрзо од Firefox 17. Забележително е, и помазно преминување од еден таб на друг, а ние, забележивме и забрзување при прикажувањето на страници што се богати со слики во повисока резолуција.

Од останатите новитети би ги издвоиле:

  • поддршката за ново својство на DOM – window.devicePixelRatio;
  • поддршката за настани на допир од HTML5 (W3C Touch Events);
  • неможноста за вчитување на небезбедни содржини на веб-страници преку HTTPS;
  • скратеното време на стартување, како резултат на попаметно управување со сертификатите за додатоци.

Инаку, во Firefox 18 се направени вкупно 2917 измени и подобрувања!

Честитки до заедницата и до Mozilla!

Зошто управувањето на Интернет од страна на ИТУ е лоша идеја?

декември 5th, 2012 by mozilla with No Comments »

Mozilla, заедно со повеќе други организации, вклучувајќи го и Google, апелира за внимание и повикува на акција во врска со состанокот на Меѓународната телекомуникациска унија, организација под чадорот на ООН, која заседава во моментов (3-14 декември 2012):

“…ја доведуваме во прашање претпоставката дека е „задолжителен глобален договор“, усвоен само од земјите членки“ ќе биде корисен за Интернет или за глобалното општество. На Интернет не му требаше договор за да настане, да се прошири, процвета и да го трансформира глобалното општество. На интернет не му требаше собир на владите за да ги исполни искажаните цели на новиот договор. Нема причина да се верува дека договорот ќе исполни било каква актуелна потреба или дека ќе залечи било каков актуелен дефект.

Напротив, има причини да се верува дека таков договор ќе делува штетно. Клучни точки укажуваат на тоа дека има владина контрола над Интернет надвор од постоечката правна рамка. Технологијата не се развива под контрола на владите. Кажано просто, владите не знаат како најдобро да ја дизајнираат идината. Уште повеќе, има легитимни грижи дека некои влади што се најзаинтересирани за нов договор може да целат на ограничување на слободното изразување и личната слобода, на контрола на политичките активности и на нарушување на безбедноста на нивните граѓан. Чудно, во име на хармонизација и интероперабилност, некои од клучните атрибути на отворениот Интернет што ги цениме најмногу – отворениот пристап, неограничената повзливост и споделување, неутралноста кон содржината и изборот на корисниците можат да бидат компромитирани.”

Од: http://blog.mozilla.org/blog/2012/12/02/why-is-itu-governance-of-the-internet-a-bad-idea/

Повеќе на: https://webmaker.org/en-US/ITU/kit/

Од друга страна, добро е да се забележи твитот на македонскиот министер за информатичк општество и државна администрација:

Mozilla ги објави Firefox 17 и Thunderbird 17

ноември 20th, 2012 by mozilla with No Comments »

Добредојде за уште две нови изданија од Firefox и Thunderird. Има повеќе новитети, па да одиме по ред.

Facebook Messanger во Firefox 17

Facebook Messanger во Firefox 17

Што е ново кај Firefox 17?

  • прва имплементација на Social API, со поддршка за Facebook Messenger;
  • автоматско блокирање на застарените приклучоци (plugins);
  • бројни подобрувања на Web Console, Debugger и Developer Toolbar;
  • поддршка за две нови својства на SVG – FillPaint и StrokePaint;
  • подобрена безбедност благодарение на поддршката на атрибутот Sandbox за елементот iframe од HTML;
  • над дваесет подобрувања во перформансите на прелистувачот;
  • подобрува на страницата New Tab и друго.

Што е ново кај Thunderbird 17?

Честитки Mozilla! Со нетрпение ги чекаме Firefox 18 и Thunderbird 18.

Пристигна Firefox 16

октомври 9th, 2012 by mozilla with No Comments »

Со мало задоцнување од вообичаениот шест-неделен циклус, денес, на 9 октомври 2012 година, Mozilla објави уште една нова верзија од Интернет прелистувачот Firefox.

Листата на новитети во Firefox 16, можеби веќе сте чуле, е особено значајна за развивачите на апликации за Интернет. Firefox 16 доаѓа со нов алатник – Developer toolbar – преку кој што е овозможен пристап до едноставен терминал и бројни команди за најразлични намени.

На пример, со само една кратка команда во терминалот на Firefox, сега е можно да фатите слика од прегледуваниот веб сајт:

screenshot <име_на_датотека> <број_на_секунди_пред_снимање_на_слика>

Интересно, нели? :)

Покрај новиот терминал, Firefox 16 добива и:

  • забрзана обработка на JavaScript;
  • поддршка за анимации, премини, трансформации и градиенти во CSS3, без употреба на уникатен префикс за Firefox;
  • пристап до неодамна отворените датотеки преку Scratchpad;
  • поддршка за Opus – новиот отворен аудио-кодек итн.

Колку за информација, во Firefox 16 се направени без малку 2000 измени!

Честитки за уште едно успешно издание на заедницата! Се читаме за шест недели.

Мозила го објави новиот систем за идентитет на интернет

септември 28th, 2012 by mozilla with No Comments »

По едногодишно развивање Persona е спремна за употреба за проверка на идентитетот на сите главни паметни телефони, таблети и десктоп прелистувачи

Корисничкото искуство е прегледано и исполирано.

API-то е стабилно и достапно на јавноста.

Извор, детаљно објаснување и видеа:  http://identity.mozilla.com/post/32395255498/announcing-the-first-beta-release-of-persona

Firefox 15 и Thunderbird 15 се достапни за преземање

август 28th, 2012 by mozilla with No Comments »

Mozilla пред малку објави уште две нови верзии од Интернет-прелистувачот Firefox и клиентот за е-пошта Thunderbird.

Firefox 15 доаѓа со голем број на новитети, a овој пат и Thunderbird изненадува – има нова функционалност за „четување“ и нов изглед на работната околина, базиран на Australis.

Многу повеќе за изданијата можете да прочитате на блогот за Firefox и на блогот за Thunderbird.

Со големо задоволство можеме да заклучиме дека ова се две, многу успешни изданија, што ќе ја направат заедницата особено среќна!

Честитки Mozilla!

п.с. Додека да станат достапни официјалните врски за преземање на Thunderbird 15, клиентот за е-пошта можете да го преземете преку ЕфТеПе-серверот на Mozilla.

Firefox 14 и Thunderbird 14 пристигнуваат денес попладне

јули 17th, 2012 by mozilla with No Comments »

Денес попладне, по 17 часот по локално време, Mozilla ќе претстави уште две нови надградби за Firefox и Thunderbird.

Firefox 14 ќе биде уште едно богато издание со бројни помали и поголеми измени. Од позначајните новитети, би ги издвоиле:

  • автоматското дополнување на внесуваните Интернет-адреси;
  • пребарувањето со Google, исклучиво преку HTTPS;
  • можноста за вчитување на додатоците за Flash, QuickTime, Windows Media Player итн. на клик, и
  • поддршката за приказ на цел екран во Mac OS X 10.7 Lion.

Kaj Thunderbird 14, ќе нема некои поголеми изненадувања. Ќе добиеме уште една надградба за поправка на грешки и коригирање на сигурносни пропусти.

Честитки до заедницата, за уште две успешни изданија!

Се читаме за шест недели со информации за Firefox 15 и Thunderbird 15.

Firefox 13 и Thunderbird 13 за вас прекрасни луѓе!

јуни 6th, 2012 by mozilla with No Comments »

Вчера – на 5 јуни 2012 год. – беа објавени уште две нови верзии од двете најпознати апликации на Mozilla.

Firefox 13 доаѓа со редизајнирана страница за нов таб, редизајнирана почетна страница, серија подобрувања во однос на брзината при користењето на прелистувачот – Firefox 13 се стартува побрзо и троши помалку меморија – и целосна поддршка за протоколот SPDY. За повеќе информации, погледнете ја официјалната објава на Mozilla.

Страницата за нов таб во Firefox 13

Страницата за нов таб во Firefox 13

Thunderbird 13 доаѓа со серија сигурносни закрпувања, Filelink – нов механизам за прикачување на датотеки на онлајн-складишта – во соработка со YouSendIt, можност да си отворите нови адреси за е-пошта директно од Thunderbird – во соработка со Gandi и Hover – и изменети системски побарувања за Windows.

Претпоставуваме дека веќе ги користите најновите верзии од Firefox и Thunderbird, но во случај тоа да не е така, ве охрабруваме да наградите. Ќе бидете пријатно изненадени.

Честитки до заедницата за уште две одлични изданија!

Балкански Мозила собир во Загреб 11-13 мај 2012

мај 12th, 2012 by mozilla with No Comments »

Годишниот собир на заедниците на Мозила на Балканот се случува додека го пишуваме ова.

Настанот е организиран од екипата од Загреб. Агендата е тука (и понекогаш се менува во од).

Пристигнаа Firefox 12 и Thunderbird 12

април 24th, 2012 by mozilla with No Comments »

По шест недели, еве нè повторно со, овој пат, кратко известување за уште две нови верзии од најпознатите апликации на Mozilla.

Firefox 12 и Thunderbird 12, сега се достапни за преземање.

За шест недели нè очекуваат уште повозбудливи надградби за Firefox и Thunderbird. Дотогаш, поздрав!

Mozilla објави уште две нови верзии од Firefox и Thunderbird, со број 11

март 14th, 2012 by mozilla with No Comments »

Со кратко доцнење, вчера, на 13 март 2012 год. беа објавени уште две нови верзии од најпознатите алатки на Mozilla – Интернет прелистувачот, Firefox и клиентот за е-пошта, Thunderbird.

Да ја искористиме оваа можност, накратко да ги истакнеме најзначаните новитети кај овие две изданија.

Мозила на македонски во 3D преку Page Inspector

Мозила на македонски во 3D преку Page Inspector

Firefox 11 е побогат со неколку нови алатки

Firefox 11 доаѓа со:

  • алатник за лесна миграција на прилагодувањата од прелистувачот Google Chrome;
  • нов уредувач за каскадни стилови (CSS);
  • нов начин на тродимензионален приказ на веб страници, преку „Page Inspector“;
  • поддршка за протоколот SPDY, што Google неодамна го претстави;
  • синхронизација на корисничките додатоци / проширувања / екстензии… како сакате, преку „Firefox Sync“;
  • и уште неколку позначајни новитети.

Thunderbird 11 има голем број мали поправки

Освен тоа што јазичињата (табовите) сега се прикажуваат над главното мени, ние не забележавме некои други измени во работната околина на Thunderbird 11. Единаесеттото издание е главно насочено кон бројните мали поправки, што овозможуваат побрза и постабилна работа.

Честитки до заедницата за уште две успешни изданија и потсетување дека веќе од наредната верзија, Firefox, а можеби и Thunderbird, добива механизам за автоматско тивко надградување.

Се читаме за шест недели!

Десет огнени лисици и десет молскавични птици

јануари 31st, 2012 by mozilla with 1 Comment »

Денес, на 31 јануари 2012 год. излегуваат уште две нови надградби од кујната на Mozilla. Очекувајте ги Firefox 10 и Thunderbird 10 попладне, кратко по 16 часот, по локално време.

Што е ново во Firefox 10?

Firefox 10 ќе биде релативно голема надградба или барем поголема од оние, на кои се навикнавме во изминатиот период со забрзаниот развоен циклус.

Firefox ќе воведе помалку рестриктивен пристап кон додатоците. Повеќе нема да има потреба од задолжителна надградба за секој додаток, при објавувањето на нова верзија од Firefox.

Од 10-та верзија, Firefox ќе си претпоставува дека секој додаток е веќе прилагоден да работи и на понови верзии од прелистувачот. Така, корисниците нема да бидат оневозможени да ги користат омилените додатоци и на најновите верзии од Firefox, а вината за потенцијалните проблеми ќе биде префрлена кај развивачите на додатоците.

Во Firefox 10 ќе добиеме и алатка за брзо истражување и менување на составот на веб-страниците – алатката „Inspect“, составена од „Page Inspector“ и „Style Inspector“ – како еден вид на осиромашена верзија од Firebug, со поразличен дизајн. Предноста е што „Inspect“ станува составен дел од јадрото на Firefox, со што се намалува потребата од Firebug за основните корисници.

Други дополнувања и измени:

  • копчето „Forward“ станува невидливо, доколку нема следна страница кон која може да се насочите;
  • поддршка за anti-aliasing за WebGL;
  • подобрена поддршка за IndexedDB;
  • поддршка за веб-апликации што би работеле на цел екран;
  • поддршка за 3D-трансформации преку CSS3;
  • поддршка за елементот за двострано ограничување на текст;
  • подобрувања на Firefox Sync;
  • и така натаму.

Што е ново во Thunderbird 10?

Новата, 10-та верзија на Thunderbird, доаѓа со многу помали измени и дополнувања, но сепак се 130+.

Сосема нова ќе биде можноста за пребарување на Интернет директно од Thunderbird, а подобрувања можат да се очекуваат во функционалноста за пребарување низ пораките и менаџирањето на нацрти (drafts).

Честитки за уште две успешни изданија на целокупната заедница на Mozilla!

Добредојде за Firefox 8 и Thunderbird 8!

ноември 8th, 2011 by mozilla with No Comments »

Денес излегуваат нови верзии од Firefox и Thunderbird! Осмите верзии на Firefox и Thunderbird носат интересни новини, што накратко ќе ги наведеме во оваа пригода.

Вообичаено, повозбудлива е новата верзија на Firefox, отколку на Thunderbird.

main-feature-treasure

Firefox 8 доаѓа со интегриран пребарувач за Twitter, поголема контрола врз додатоците, нови можности околу вчитувањето на јазичињата, нови можности поврзани со WebGL, како што е новината за безбедно вчитување на текстури со помош на WebGL и голем број на ситни подобрувања, што овозможуваат Firefox да работи подобро со секоја наредна верзија.

Со осмата верзија, во Firefox конечно е оневозможено автоматското инсталирање на додатоци во позадина, без дозвола на корисникот. Значи, нема повеќе изненадувања и непознати додатоци во листата, за кои не сте свесни како успеале да се провлечат.

Истиот механизам за заштита од несакани додатоци, доаѓа и во Thunderbird 8. Покрај стандардните „закрпувања“ и неколкуте ситни измени во корисничката околина, Thunderbird 8 доаѓа и со подобрувања во однос на прилозите на е-пораките.

Официјалната објава на Firefox 8 и Thunderbird 8 се очекува денес, по 16 часот, по локално време. Сепак, ако сте нетрпеливи, Firefox 8 можете да го преземете уште веднаш!

Објавени седмите верзии од Firefox и Thunderbird

септември 27th, 2011 by mozilla with No Comments »

Денес, на 27 септември 2011 година, нешто пред 18 часот, беше објавено долго-очекуваното седмо издание на Firefox. Неколку часа подоцна, достапна стана и седмата верзија од Thunderbird.

Firefox 7 е специфично издание, затоа што решава неколку клучни проблеми поврзани со меморискиот менаџмент во Firefox. Firefox 7 троши до 50% помалку меморија! Понатаму, ново е тоа што Firefox 7 се синхонизира речиси инстантно на сите платформи, како и тоа што Firefox сега може да испраќа информации поврзани со брзината на работа до Mozilla и така да придонесе кон подобри идни верзии. Се разбира, испраќањето на тие информации ќе биде со одобрување на корисникот. Целосната листа на измени во Firefox 7 опфаќа 1242 поправки.

Нешто поскромно е изданието Thunderbird 7, но секако е добредојдено! Thunderbird сега работи на Mozilla Gecko 7, вклучува подобрувања во адресарот, нуди можност за печатење на збир од означени пораки, а покрај редовните надградби на корисничката околина, доаѓа и со неколку сигурносни подобрувања. Природно е да очекувате Thunderbird 7 да работи побрзо и помазно од претходните верзии. Така и е.

Честитки за новите изданија до заедницата на Mozilla и со нетрпение ги очекуваме осумките! :)